إيه في أمل ... فيروز

رغم الزهر اللي متلّي الحقول ..

شو ما تحكي و تشرحلي و تقول ..

حبيبي حبيبي .. تا نرجع لأ مش معقول ..

عندي سنونو وفي عندي قرميد ..
بعرف شو يعني إذا انت بعيد ..
بس .. حبيبي احساسي ما عاد يرجعلي من جديد ..

في امل ؟ إيه في امل ..
أوقات بيطلع من ملل ..
وأوقات بيرجع من شي حنين .. لحظة تا يخفّف زعل ..
و بيذكرني فيك لون الشبابيك .. بس ما بينسيني شو حصل ..

رغم الزهر اللي متلّي الحقول ..

 حبيبي حبيبي .. تا نرجع لأ مش معقول ..

فيه قدامي مكاتيب من سنين ..
زهقت ورد و منثور و ياسمين ..
حبيبي حبيبي .. ما عاد يلمسني الحنين ..

في ماضي منيح .. بس مضى ..
صفّى بالريح بالفضا ..
و بيضل تذكار عن مشهد صار .. فيه خبز فيه ملح فيه رضا ..
و يوميّ ليل و بعدو نهار .. عمري قدّامي عم ينقضى ..

شوف القمح اللّي بيطلع بالسّهول ..
شوف الميّ اللّي بتنزل عَ طول ..
حبيبي ... إحساسي هالقدّ معقول يزول !!

شو بتخبّر أصحاب و زوّار ..
عنّي إنّي محدودة و بغار ..
بس حبيبي ... كرمالي تنيناتنا بنعرف شو صار ...