ساكن قصادي ... وبحبه !

ســـــــــــــــــــــــــــــــــــاكن قصادى ... وبحبه

 ...... بحبه !

و أتمنى أقابله ..

 فكرت أصارحه ...... لكن أبدًا مقدرش أقوله
وفضلت أستنى الأيــــــــام .. فى ميعاد ما يظهر وميعاد ما يرجع
وفى كل خطوة أرسم أحـــــــــلام .. تكبر في قلبي والقلب يطمع

و أقول مسيره هيحس بيا لو يوم صادفنى وسلّم عليا ☺
هيلاقى صورته ساكنة فى عنيا و يحس بيها فى رعشة إيديا

كنت حاسة إن حبه كل مدى كان بيكبر

أبقى عايزة لو يكون لى قلب غير قلبى الصغير  ...

 

فضلت آمالى مع الليالى تقرّب حبيبى اللى ساكن قصادى
حبيبى اللى ساكن قصادى  ...... وبحبه
وفى يوم صحيت على صوت فرح ! .. بصيت من الشباك
زينة وتهانى وناس كتير دايرين هنا وهناك
شاوروا لى بإيديهم وقالوا لى عقبالك

 هللت من الفرحة وسألت .... قالوا جارك ....... جارك ؟! حبيبى ؟!
اللى ساكن قصادى ........ وبحبه ؟!

رحت الفرح بالليل ورسمت فى عنيا الفرحة ساعة ما كان بيشيل بإيديه وبعنيه الطرحة

وشربت شرباتهم وأنا قاعدة بصّالهم
لحد ما قاموا ومشيت أوصّلـهـم

 حتى الأمل مبقاش من حقى أفكر فيه
بعد الليلة دى خلاص بقى غيرى أولى بيه ...

وتُهت وسط الزحام ما حد حاسس بى ..

عايزة أجرى .. وأرجع أتوه والناس يقولوا حاسبى

ناس فى طريق النور ما بين فرح وشموع  ..

وأنا فى طريق مهجور  ومنوراه الدموع ..

ولقيتنى فايتة من جنب بابه ..

 لا هو دارى بقلبى ولا بـ اللى نابه ..

 يا ويلى من طول غيابه ...

ويا ويل أيامى من جرح عذابه ..

عذاب الجرح اللى فاتوهلى وسابه

ساكن في قلبي ... وساكن قصادى  ......... وبحبه

كلمات : كامل الشناوي

ألحان : محمد عبد الوهاب

غنــــــــــــــــــــــاء : نجاة الصغيرة

استمــــــــــــــــــــــــاع